Қ.Сатыбалдыұлы ісі бойынша тергеу жүріп жатыр

Қайрат Сатыбалдыны тұтқында ұстау мерзімі 13 маусымға дейін ұзартылды.
Оның үстінен лауазымдық өкілеттіктерін асыра пайдалану және «Қазақтелеком» АҚ-ның қаражатын аса ірі көлемде ұрлау фактілері бойынша қылмыстық іс қозғалған еді. Қазір тергеу амалдары жүріп жатыр. Ал оның бұрынғы жұбайы Гүлмира Сатыбалдыға қатысты бөлек қылмыстық іс қаралуда. Бұған дейін Сыбайлас жемқорлыққа қарсы қызмет бизнесті рейдерлік басып алу дерегі бойынша сотқа дейінгі тергеу басталғанын хабарлады. Бірақ отбасының өзге мүшелері мен Bi Group компаниясына қатысты қазір Сыбайлас жемқорлыққа қарсы қызметтің қарауына қандай да бір іс келіп түспеген.
Ұлан Сарқұлов, ҚР Сыбайлас жемқорлыққа қарсы іс-қимыл агенттігі төрағасының орынбасары:
- Қылмыстық істі қозғау үшін бізге құқықтық негіз қажет. Сондықтан жоғарыда айтып кеттім. Мына отбасы мүшелері туралы. Қайрат Сатыбалды, Гүлмира Сатыбалды, сол үшін қазір істер жүргізілуде. Дәл қазір агенттікте басқа отбасы мүшелеріне қатысты істер жоқ.
«Хабар 24» арнасына жазылыңыздар: bit.ly/31WnObW
Біздің сайт - 24.kz