Петропавлда әлеуметтік нысандар құрылысы тоқтады

Өңірде құны жүздеген миллиард теңгеге бағаланған аурухана құрылысын белгіленген уақытқа аяқтап үлгермеді, деп хабарлайды «Хабар 24».
Халықаралық талаптарға сай салынады деген медицина мекемесін Түрік инвесторы жыл соңында тапсыруы тиіс еді. Бірақ белгіленген уақытқа үлгермейді. Себебі аурухана қабырғалары толық қаланбаған. Өңірде спорт, мәдениет ошақтары да жыр болды. 500 орынға арналған аурухананың құрылысын мемлекеттік жеке меншік әріптестік аясында түрік инвесторы бастады. Бұл - «Qyzyljar» экономикалық аймағының негізгі жобаларының бірі. Құны шамамен 115 миллиард теңгеден асады. Қазір бұл маңда күзетшіден басқа адам жоқ.
Медициналық кешен аумағында санавиация үшін ұшып-қону алаңы да қарастырылған болатын. Жаңа ғимаратқа онкология, кардиология, перинаталдық орталық көшеді деген жоспар болған. Дегенмен ол әлі сөз жүзінде.
Самат Қайырденұлы, тілші:
- Елімізде халықаралық талаптарға сай келетін алғашқы аурухана Петропавлда салынады дегенде тұрғындардың қуанышында шек болмаған еді. Оның қазығы 2019 жылы қағылды. Қазір құрылыс жұмыстары тоқтаған. Сондықтан медициналық ошақтың қашан халық игілігіне берілетіні белгісіз?
Ал «Береке» ықшам ауданында 250 орынға арналған емхана жоспар бойынша 2020 жылдың желтоқсанында тапсырылуы тиіс болатын. Әзір екінші қабаты өріліп жатыр.
Айгүл Серғазина, қала тұрғыны:
- Айтуға да ұят. Енді действительно 2020 жылы береміз деген еді. Биыл енді 2022 жыл ғой уже. Мен өзім дәл турасында тұрамын.
- Қалай жүріп жатыр ? Адам бар ма істеп жатқан?
- Бар, бар. Істеп жатыр қазір. Алдында тоқтап тұрған, Өзім тезірек ашылғанын күтіп отырмын ғой.
Емдеу мекемесін уақытылы тапсыра алмай отырған компания 2020 жылы облыс орталығында 244 орынға арналған студенттер жатақханасының құрылысын бастаған. Ал мұндағы жұмыстар мәжбүрлі түрде тоқтатылды.
Майгүл Қажжан, облыстық құрылыс басқармасының баспасөз хатшысы:
- Оған басты себеп «Тоир» мердігер компаниясымен келісімшарт бұзылды. Бұл мердігер компания өзіне жүктелген міндеттерді тиісті деңгейде орындамасын, құрылыс басқармасы ол кісілермен сотта анықтап жатыр мәселенің мән-жайын. Жақын уақытта бұл жерде жаңа мердігер компания құрылыс жұмыстарын жалғастыратын болады.
Ал бұл - қазақ театры. 2018 жылдан бері мұнда бірнеше мердігер ауысты. Түсірілім тобын күтіп алғандар камераға сұхбат беруден бас тартты. Себебі облыстық құрылыс басқармасындағы басшылар осындай талап қойған.
Самат Қайырденұлы, тілші:
- Мына киелі сахнада 2019 жылы еліміздің мақтанышы Димаш Құдайбергенов өнер көрсетуі тиіс болатын. Сол кезде мәдениет ошағы салтанатты түрде ашылуы керек еді. Бірақ жағдайды өздеріңіз көріп тұрсыздар. Қазір театрдың құрылыс жұмыстарының тек 40 проценті атқарылған.
Жауаптылардың айтуынша, жыл соңында көрермендер үшін театр есігі айқара ашылмақ. Бұдан бөлек Айыртау, Есіл және Аққайың аудандарында бірнеше дене шынықтыру-сауықтыру кешенінің құрылысы ұзаққа созылып кетті.
Авторлары: Самат Қайырденұлы, Руслан Әлиев
«Хабар 24» арнасына жазылыңыздар: bit.ly/31WnObW
Біздің сайт - 24.kz