Алғаш рет эфирге 2012 жылдың 1 қыркүйегінен бастап «24 KZ» атауымен шыққан арна 2016 жылдың 1 қыркүйегінде «Хабар 24» болып өзгертілді. Құрамындағы «24 KZ» арнасының атын ауыстыру - «Хабар» агенттігінің қайта жаңару аясындағы шараларының бірі әрі арнаның агенттіктің телеотбасындағы мүшесі екендігін айқындау. Мысалы, BBC корпорациясының BBC One, BBC Two, BBC World News, сондай-ақ ВГТРК-нің Россия 24, Россия 1, Россия арналары секілді аталуындағы бірізділікті сақтау дәстүрін әлемдегі ірі медиахолдингтер де ұстанады.
Жаңа телемаусымды жаңа атпен бастаған арна эфирінде сапалы сараптамалық бағдарламалардың қатары ұлғайып, репортаж жанрындағы бағдарламалардың үлесі артты, сондай-ақ аймақтардың тыныс-тіршілігі туралы жобалар көбейді.
Арнаның дәстүрлі айдарларында экономика, спорт, халықаралық және баспасөзге шолу, арнайы авторлық репортаждар және көптеген басқа да салалар толығырақ қамтылады. Арнадағы бағдарламалар 100% отандық өндірушілердің жобалары болып табылады. Телеарна аудиториясын
